Etiqueta: 1ºMaio

1º MAIO ven coa PAHVIGOTUI 

Vaia! Xa é 1º de Maio. Parece que foi onte do último…Hai uns días, camiñando por Vigo, ía escoitando unha conversación entre dúas persoas novas:

– Vas ir á manifa do día un?

– Non creo, non paga a pena

– Pois eu creo que si … 

– Van arranxar algo?

– Xa estamos! Non voto porque todos son iguais, non vou ás manifas porque non vale para nada…

– É que non vale?

– O outro día protestaches porque estaban a facer horas e non chas pagaban

– Xa

– Pois mira, grazas a xente como ti, acabaremos por traballar pola comida…

En fin, non sei en que acabaría a cousa, porque se meteron nun bar.

Eu vou estar tras unha pancarta o 1º DE MAIO. Porque isto vai a peor. Vexamos:

– Se te mantés nun traballo, estás sempre pendente de cando decidirán substituírte.

– Se es novo, entras con contrato de 4 horas, traballando 8, cobrando coma se fosen 2.

– Se estás no paro, a prestación é unha m….

– Cando te xubiles, a pensión penderá dun fío.

– Terminaches os estudos e só atopas traballo como bolseiro.

Pero segue protestando en casa, ou no bar, ou na oficiña. Coa boca pequena.

Que non tes afinidade con ningún sindicato? Pois faite a túa propia pancarta, e amosas o teu descontento.

Aínda que che propoño algo mellor: colócate tras a pancarta da PAH.

Saímos dende a Praza de Fernando el Católico (fronte bar León), en Urzaiz. As 11 am 

Non somos un partido político, nin un sindicato. Loitamos pola xente, sexa cal sexa a súa afinidade.

NON TE QUEDES NA CASA. NON DEIXES QUE GLOBALICEN A POBREZA.

“PAN, TRABALLO, TEITO E LIBERDADE”.

Anuncios