Publicado en Novas

O dia 3 Constitución do Sindicato da Inquilinas Vigo #AsembleaAberta

Somos un grupo de persoas de Vigo e Concellos con Porriño ,Mos ,Redondela ,Salceda Tui e queremos impulsar un Sindicato de inquilinas e inquilinos na cidade, pola defensa do dereito á vivenda e un aluguer alcanzable, estable, seguro e digno.

Queremos axuntar ás persoas que vivimos ou queremos vivir de aluguer, tanto en vivendas do mercado privado como público, para reivindicar conxuntamente os nosos dereitos e incidir no ámbito executivo e lexislativo.

Entendemos que a problemática do aluguer non é só consecuencia dunha lei contraria aos dereitos das persoas que arriendan, senón tamén desta nova burbulla inmobiliaria que ataca á nosa cidade, baseada no incremento especulativo e abusivo do prezo dos alugueres. Denunciamos, ademais, que a precarización xeral das condicións de traballo multiplica o risco de exclusión residencial. Iso xera que as persoas que queremos alugar cada vez teñamos máis dificultades para facer fronte á carestía desmesurada da vida, debido a que investimos máis parte da nosa renda en garantir un dereito fundamental.

Entendemos que é vital garantir a función social das vivendas a través da firme protección do uso residencial por encima do uso económico ou especulativo de calquera tipo.

Por todo isto, facemos un chamamento e unha invitación a toda as persoas de Vigo e concellos limítrofes para que se incorporen a este proceso cara á creación dun Sindicato de Inquilinas e Inquilinos:

Porque queremos un aluguer alcanzable e estable Porque queremos defender os nosos dereitos como inquilinas Queremos construir o #SindicatoInquilinas #AluguerEstableAsequible

🗓O dia 3 as 7.30 na Parroquia #AsembleaAberta

Anuncios
Publicado en Novas

O prezo dos alugueiros segue medrando

Dende que o pasado ano comezou a funcionar o Observatorio da Vivenda, as súas estatísticas permiten facer un seguimento da evolución dos prezos dos alugueiros, un indicador que ata ese momento non era público e sobre o que era difícil coñecer datos fiables. Os valores das fianzas depositadas no IGVS permiten coñecer con máis exactitude os prezos que se están fixando nos novos contratos, constatando o incremento sen freo que nos últimos anos está rexistrando o prezo da vivenda alugada en Galicia.

Os prrezos nas vilas de 20.000 a 50.000 habitantes están a subir a un ritmo semellante ao das cidades

Os últimos datos publicados, correspondentes aos tres primeiros meses deste ano, amosan que o encarecemento dos alugueiros continúa a darse en toda Galicia, tanto nas zonas urbanas como nos concellos máis pequenos. O importe medio sitúase xa nos 407,7 euros, un 12,4% máis que no ano 2015.

A suba é máis importante nas sete cidades, onde o prezo medio pasou de 387 a 449 euros, un encarecemento do 16%. Aínda que nas vilas entre 20 e 50.000 habitantes a suba foi semellante á media galega e inferior á rexistrada nas cidades, o gráfico amosa como dende o ano 2017 os prezos experimentaton un crecemento moi importante, dun 8% en só 15 meses, semellante ao das urbes.

Vigo e A Coruña seguen as ser os lugares con alugueiros máis elevados, seguidos de Pontevedra

Vigo e A Coruña seguen as ser os lugares con alugueiros máis elevados,cun importe medio de 483 euros e unha suba dende o ano 2015 do 17,5% e do 16,7% respectivamente. Por detrás, a terceira cidade máis cara para alugar é xa Pontevedra, cun prezo de 452 euros e unha suba do 25,2%. Santiago, con 436 euros, é a seguinte.

Por debaixo de 400 aparecen Ourense e Lugo, onde os prezos están a subir a un ritmo moi semellante ao de Vigo e A Coruña. A cidade con alugueiros máis baratos e, ademais, onde menos soben é Ferrol.

O distrito 15003, na Coruña (A Pescadaría) foi o que nos tres primeiros meses do ano presentou os prezos máis elevados, por riba dos 700 euros

O Observatorio da Vivenda ofrece tamén datos por distritos nas cidades. E, ao igual que vén sucedendo nas últimas actualizacións deste indicador, determinados barrios da Coruña e Vigo seguen a ser os máis caros para vivir, sobre todo na cidade herculina.

En concreto, o distrito 15003, na Coruña (que podemos identificar co barrio da Pescadaría) foi o que nos tres primeiros meses do ano presentou os prezos máis elevados, por riba dos 700 euros. Por detrás aparece o tamén coruñés 15004 (entre a praia de Riazor e Praza de Galicia), con 671 euros de media, e o 15001 (Cidade Vella), con 627 euros. O cuarto barrio máis caro atópase en Vigo, o distrito 36203 (O Castro e Gran Vía), tamén por riba dos 600 euros.

Praza.gal

Publicado en Novas

175 Vivendas en Vigo para a SAREB :Comunicado prensa

175 Vivendas para a SAREB ;Unha oportunidade perdida

Fai tan só uns días, puidemos ler nun xornal local que a SAREB poderíase quedar coa titularidade de dous edificios de vivendas que saíron a poxa, e que podería facelo pola metade do valor da débeda, que é duns 44 millóns de euros. Trátase de 25 vivendas en Gran Vía e 150 vivendas en rúa Aragón. Dunha destas vivendas foi desafiuzada unha familia con fillos.

Como ocorre con todas as noticias relacionadas coa vivenda, o lector pasa páxina. Estamos bombardeados por noticias sobre a burbulla do aluguer, os desafiuzamentos, as hipotecas abusivas, a precariedade, os fondos voitre, o abuso do caseiros…

Pero para a PAH VIGO TUI BAIXOMIÑO isto non é máis que a constatación do deixamento das distintas administracións á hora de abordar o tema da vivenda.

Esta plataforma veu loitando, desde hai moitos anos, para que tanto Xunta como Concello de Vigo freen a onda de desafiuzamentos que, desde o inicio da crise, viñéronse sucedendo. Non están polo labor. Tamén cambian de páxina cando hai unha noticia deste tipo. Bo, en realidade, xa se trata alguén de filtralas.

Ao rexedor vigués interesáballe máis facer caixa cos pisos de Rosalía Castro, propiedade do Concello, que utilizalos como vivendas sociais. Pola súa banda, a Xunta non quixo negociar cos bancos a cesión das vivendas baleiras (nin negociar, nin lexislar) para vivendas sociais. Soamente plans de vivendas baleiras, que resultaron ser plans baleiros de contido.

Cando se van a decidir a frear a crise da vivenda? Porque ao que estamos a asistir é a unha verdadeira crise social e humanitaria. Desafiuzamentos e desterros. Esta sería unha magnífica ocasión. Non pagamos o rescate bancario? Pois a SAREB é nosa.

Cando van obrigar a que se cumpra o artigo 47 da Constitución que tanto defenden? Cando van obrigarse eles mesmos?

A resposta é, témolo claro, NUNCA.

Por un parque de aluguer de vivendas sociais. Por un control verdadeiro do prezo do aluguer. Por unha lei que prohiba a venda a fondos voitre. Non máis desafiuzamentos.

Isto é polo que seguimos loitando. É a esencia da PAH.

Publicado en Novas

A POR UN ALUGUER ESTABLE ,ALCANZABLE e DIGNO

As Inquilinas soportamos aumentos dos prezos dos alugueres case un 40% en Vigo nos últimos catro anos e que os requisitos esixidos para poder alugar un piso están fóra do alcance da maioría da poboación. Xa non se pode ocultar que estamos ante unha nova burbulla na vivenda e do aumento dos desahucios de aluguer.

A Vivenda xa non está en mans de particulares que con gran esforzo invisten nunha vivenda extra e alúgana , isto é unha pequena minoria e que ademais soben os prezos do Aluguer impulsados ou por imitación do que fan os Grandes tenedores de Vivenda ou mayoritariamente os Fondos de Investimento que son os que realmente dictan os Prezos do mercado da Vivenda

Os propietarios e os Grandes tenedores de vivenda saben que en ausencia de política social ,eles dictan as normas e os prezos .

A característica fundamental da burbulla do aluguer é o acaparamiento da Vivendas polos F Voitre e o insostenible esforzo económico que tratan de facer as familias O noso país é líder europeo en axudas á donos de vivenda ou para compra da mesma pero é o líder europeo en desafiuzamentos.

Isto ten un nome: política clasista e neoliberal a favor da propiedade fronte á vivenda entendida como un dereito e non como un activo financeiro para a especulación

A %d blogueros les gusta esto: